كيكة بالقهوة و لاكريم

اول حاجة غنحضرو لاكريم

مقادير لاكريم
* بيضة
* 2 فرماجات متلتين عوضتهم بالمربعين
*دانون من الافضل بيرلي
*كاس صغير سكر

طريقة تحضير لاكريم
نخلطو السكر مع الفرماج مزياااان تم نضيف البيضة واليوغورت

نتركو الكريمة على جنب ونحضرو الكيك

مقادير الكيك
*4 بيضات
*كاس سكر (عملت كاس صغير )
*نصف كاس زيت
*كاس قهوة معصرة وباردة
*فاني
*2خمارات حمرين
*الدقيق حسب الخليط تقريبا 2 كيسان ونصف

طريقة تحضير الكيك

نخلطو البيض والسكر والزيت والقهوة جيدا
تم نضيف الدقيق الفاني و الخمارة
نصبو الكيك فمول مدهون ومغلف بورق المطبخ

تم ناخدو الكريمة ونصبوها من فوق

ندخلوها للفرن ونحضرو السيرو لسقيها

*6 حبات شكلاط
*كاس صغير قهوة معصرة
2 معالق عسل
طرف صغير زبدة

ندوبو الزبدة ونضيفو ليها الشكلاط تم القهوة والعسل نحركو ونصبو الخليط فوق اليك مباشرة ونزينو حسب الرغبة