بريوش بثلاثة ألوان

المقادير

500 دقيق

300 مليلتر حليب

60 زبدة دايبة

80 سكر

2 معالق كبار عسل

خميرة معجونة

شوية الملح

لتزيين

20 كاكاو

معلقة كبيرة قهوة سريعة الدوبان

تنعجن كل المقادير بالحليب تدلك مزيان ثم قسمتها الى 5 قطع متساوية

ضفت شوية الحليب للكاكاو باش يسهال علينا ندمجوه مع العجين

و دوبت القهوة في شوية الحليب

خذيت قطعة ضفت لها القهوة و قطعة ثانية ضفت لها الكاكاو مع اضافة القليل من الدقيق حتى نحصلو على عجينة لينة

بقات عندي 3 القطع بيضاء غطيت كل العجين و خليتهم يخمرو

بعد ما خمرات طلقت بالمدلك العجين الأبيض على شكل مستطيل

ثم طلقت العجين بالكاكاو و وضعتو على الأبيض ثم فوقو عجين أبيض

تنطلق العجين بالقهوة و تنوضعو من الفوق و في الأخير العجين الأبيض

تنعاود نطلقهم كلهم بالمدلك و تنلوي العجين على شكل رولو

و تنقطعو دوائر بحال الشنيك

تنأخذ كل دائرة تنحربلها شوية بالأصابيع تيولي شكلها طويل

دهنت المول بالزبدة و الدقيق و ضعت 2 قطع من العجين مائلين بنفس الطريقة حتى يعمر المول

خليتهم حتى خمرو مزيان طيبتهم خليتهوم يبردو و قطعتهم شرائح